नक्सा माग्दा नापी कार्यालयका कर्मचारीले कुटे सेवाग्राही
घरको नक्सा सम्बन्धी काम गराउन नापी कार्यालय धनुषा पुगेका दुईजना सेवाग्राहीमाथि कुटपिट भएको छ। नक्सा सम्बन्धी कामका लागि नापी कार्यालय पुगेका जनकपुर उपमहानगरपालिका–१२ कुवाका ५५ वर्षीय ललनप्रसाद साह र उनका छोरा अमितमाथि कार्यालयका प्रमुखसहितका कर्मचारीहरुले कुटपिट गरेका हुन्।
लगातार चार दिनदेखि नक्सा सम्बन्धी काम गराउन कार्यालय धाइरहेका साहले कर्मचारीको लापरबाहीबाट दिक्क भएर गुनासो पोख्दा उल्टै कुटिएका हुन्।
नक्सा लिन कार्यालय पुगेका साहलाई कर्मचारीहरुले काम गरिदिनुको साटो उल्टै विभिन्न बहाना गरेर आलटाल गर्न खोजेपछि उनी केही कर्मचारीप्रति आक्रोशित भएका थिए। कर्मचारीको लापरबाहीबारे गुनासो पोख्दै गर्दा नापी कार्यालयका प्रमुखसहितका कर्मचारीले साहलाई निर्घात कुटपिट गरेको प्रत्यक्षदर्शीले बताएका छन्।
नक्सा लिन कार्यालय पुगेका साहलाई कर्मचारीहरुले काम गरिदिनुको साटो उल्टै विभिन्न बहाना गरेर आलटाल गर्न खोजेपछि उनी केही कर्मचारीप्रति आक्रोशित भएका थिए। कर्मचारीको लापरबाहीबारे गुनासो पोख्दै गर्दा नापी कार्यालयका प्रमुखसहितका कर्मचारीले साहलाई निर्घात कुटपिट गरेको प्रत्यक्षदर्शीले बताएका छन्।
कार्यालय सहयोगी मोहन यादवले प्रहार गर्दा साहको घुँडामा चोट लागेको छ। साहलाई कुटपिट भइराख्दा उनका छोरा अमित बुवालाई बचाउने प्रयास गरेका थिए । सोही क्रममा उनलाई पनि कुटपिट गरिएको छ।
तर, कार्यालय प्रमुख जोशीले आफूले सेवाग्राहीमाथि हातपात नगरेको प्रतिक्रिया दिएका छन्। घटनापछि तनावग्रस्त बनेको नापी कार्यालयमा प्रहरी टोली तत्काल पुगेर अवस्थालाई साम्य बनाएको थियो। घाइते साहलाई उपचारका लागि जनकपुर अञ्चल अस्पतालमा भर्ना गरिएको छ। उनका छोरा अमितलाई सोधपुछका लागि जिल्ला प्रहरी कार्यालय धनुषा लगिएको छ। घटनामा संलग्न कर्मचारीहरुलाई भने प्रहरीले नियन्त्रणमा लिएको छैन।
सेवाग्राहीलाई कुटपिट गर्ने कर्मचारीलाई प्रहरीले सोधपुछ गर्न समेत नियन्त्रणमा नलिँदा अन्य सेवाग्राही र स्थानीयहरुले आक्रोश व्यक्त गरेका छन्।
0 comments
प्रतिक्रिया दिनुहोस्...