त्रिभुवन विमानस्थलको पार्किङमा भेटियो ४ लाख ६७ हजारको अवैध सुन
त्रिभुवन अन्तराष्ट्रिय बिमानस्थलको पार्किङ एरियामा विदेशबाट आएका नेपाली युवाहरुले ल्याएको अवैध सुनको बेरुवा औंठीहरु ४ थान (९९ ग्राम) संकलन गरेर भन्सार छल्न खोज्ने यादवप्रसाद दाहाल पक्राउ परेका छन् । अन्दाजी ४ लाख ६७ हजार ६ सय ७६ रुपैयाँ बराबरको सुन संकलन गरी विमानस्थलबाट बाहिर ल्याउन लागेको अवस्थामा दाहालललाई नियन्त्रणमा लिइएको प्रहरीले जनाएको छ ।
तेह्रथुम श्रीजंग–५ का ३३ वर्षीय यादवप्रसाद आवश्यक कारबाहीको लागि त्रिभुवन बिमानस्थल भन्सार कार्यालयमा बुझाईएको प्रहरीले जनाएको छ ।
यसैबिच मोरङको बिराटनगर–२१ स्थित भन्सार कार्यालयको १ नम्बर ढाटमा लागू औषध नियन्त्रण व्युरो विराटनगर शाखाबाट खटिएको प्रहरीले डिल्लीबहादुर बस्नेतलाई पक्राउ गरेको छ । बस्नेतले कम्मर मुनिको भागमा लुकाईछिपाई बोकेको लागू औषध नाईट्रोसन २ सय ट्याब्लेट बरामद गरिएको प्रहरीले जनाएको छ ।
उदयपुर रामपुर ठोकसिला–८ गलेनी स्थायी घर भएका बस्नेत बारे थप अनुसन्धान भईरहेको प्रहरीले जनाएको छ ।
0 comments
प्रतिक्रिया दिनुहोस्...