सिके राउत पक्राउ परेपछि डा. भट्टराईको दुई वर्षअघिको ट्विट सामाजिक सञ्जालमा भाइरल

काठमाडौं— राष्ट्र बिखण्डनका गतिविधि गरिरहेका सिके राउतलाई प्रहरीले पक्राउ गरेपछि नयाँ शक्ति संयोजक डा.बाबुराम भट्टराईले दुई वर्षअघि गरेको ट्विट सामाजिक सञ्जालमा भाइरल भएको छ ।
दुई वर्षअघिको डा.भट्टराईको ट्विटको आलोचना गर्दै सामाजिक सञ्जाल प्रयोगकर्ताले राष्ट्र विखण्डनकारीबारे डा.भट्टराईको नयाँ धारणा मागेका छन् ।
राउतलाई २०७१ भदौमा प्रहरीले मोरङ्गको रंगेलीबाट पक्राउ गरेको थियो । त्यतिबेला नेता भट्टराईले ट्विट गर्दै भनेका थिए, सिके राउतको विचारसँग हामी सहमत हुन सक्दैनौं तर उनलाई गिरफ्तार गरेर सरकारले गम्भीर गल्ती गरेको छ । उनलाई तुरुन्त रिहा गरियोस् ।
राउत पक्राउबारे यो पटक डा.भट्टराईले कुनै प्रतिक्रिया सार्वजनिक गरेका छैनन् ।