अक्षय कुमारको ‘जोली एलएलबी २’ लाई अदालतको आदेश, जुत्ता हानिएको दृष्य हट्ने पक्का
समाचार एजेन्सीलाई उद्धृत गर्दै भारतीय अनलाइन भाष्करले हाइकोर्टले गठन गरेको तीन सदस्यीय कमिटी (एमीकस क्युरी) ले चलचित्र देखाइएपछि केही सिनमा वकालत र कानुनी पेशालाई बदनाम गरेको दोष लगाएको उल्लेख गरेको छ । चलचित्र विवादित भएपछि हाइकोर्टले अधिवक्ता आरएन डोर्डे, वीजे दीक्षित र डा. प्रकाश आर कान्देसहितको तीन सदस्यीय कमिटी निर्माण गरेको थियो ।
सेन्सर बोर्डले भने यस अघि नै चलचित्रलाई पास गरिसकेको छ । तर, अदालतको आदेश पछि नयाँ सर्टिफिकेट जारी गर्नसक्नेछ । मंगलबार निर्माताले अदालतमा अपिल गर्न सक्नेछन् । यही हप्ता रिलिज हुने भनेको चलचित्र पछि सर्न सक्ने छ ।
अदालत भित्रका यी चार सिन हटाउन अदालतले आदेश दिएको छ ।
१. डराएका न्यायाधीस आफ्नो कुर्सी पछाडि लुकेको दृष्य
२. जुत्ता हानिएको दृष्य
३. आपत्तीजनक संकेत गरेको दृष्य
४. एक तर्कका क्रममा बोलिएको डाइलग
न्यायधीश एसएस सिन्दे र न्यायधीश केके सोनावनेको बेञ्चले सोमबार यो मामिलामा सुनुवाइ गरेको थियो । बेञ्चले चलचित्र निर्देशकलाई ४ सिन हटाउने आदेश गरेको छ । र, सिन हटाएपछि मात्र चलचित्र प्रदर्शन गर्न भनेको छ । डाइरेक्टरले पनि यो सिन हटाउने विश्वास दिलाएका छन् । चलचित्रमा अक्षय कुमार र हुमा कुरैशीले महत्वपूर्ण भूमिका निर्वाह गरेका छन् ।
0 comments
प्रतिक्रिया दिनुहोस्...